كاشفة الأسرار



 
الرئيسيةالتسجيلدخول

شاطر | 
 

 وصفات الحمام المغربي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ملاك الرحمة

avatar

عدد المساهمات : 257
نقاط : 461
تاريخ التسجيل : 05/12/2012

مُساهمةموضوع: وصفات الحمام المغربي   الإثنين يونيو 24, 2013 4:14 am




السلام عليكم

هادي طريقة كتهنيك من جميع مشاكل لي ف جسمك غير تبعو المراحل بالتدقيق
** هادو كنوجدهم بليل و في الغد كنديهم معايا للحمام

أول حاجة كتجمعو هاد لعشوب

عشوب للجسم هادي خلطة سحرية كتعطي نتيجة روعة كتزول أتار الحبوب و جميع البقع لي ف الجسم
الحنة كنشريها كتيرة و كندقها ف مهراز و كنغربلها
الحلبة و الحمص و الفول و الريحان و الورد البلدي و عرق السوس و الترمس و شوية القرنفل و الخزامة و اليازير و الصوجة و الخرطال و الزوان و النبك

ياكمة جاوكم كتار متخلعوش راه كتمشي عند لي كيبيعو العشوب مدقوين كتقولي لي يجمع ليك 10 دراهم مخلطة من هادو كاملين وراه كيديو ليك مدة

كتاخدي لقياس منهم و كتزيدي عليه الحنة و الداد و الماء سخون و خلطيهم هادي كنديرها ملي كنسالي العومان كنديرها لجسمي كامل وكنخليها 30 دقيقة عاد كنغسلها و مكنديرش الصابون من بعد راها هادي بوحدها كافية كتخلي ريحة زوينة ف الجسم






من بعد كنوجد الخلطة لكندير مع الصابون البلدي
كناخد اليزير (اليارير طحناه بوحدو مخلياه لصابون البلدي ) و كنزيد عليه الحنة و الخرقوم عرق و الصابون البلدي و كنخلطهم و في الغد ملي نكون غادا الحمام كنزيد عليها السكر كلاصي
هام لي فيها البهق ف جسمها تزيد معاهم الكبريت لصفر
هادو كنديهم هما لولين ملي كندخل الحمام و كنخليهم 15 دقيقة و نفس الوقت كنزل شعري القدام و كنغسلو باش منضيعش الوقت و كندير ليه الغاسول عاد كنتشلل من خلطة الصابون البلدي و كنحك
وحاجة مهمة ملي دخلو للحمام خشيو خرقة الحمام ف السطل باش ترطاب حيت إلى درتوها مباشرة غادي تحرد لكم جلدة وملي كنكون كنحك كندوز نقيطة الصابون البلدي عل لبلاصة عاد كنحكهة هادي طريقة كتزول الخلاية الميتة و كنخلي جلد رطب







من بعد كنوجد الغاسول المسقي حتى هو كتشري لعشوب ديالو 10 دراهم يجمع ليك كلشي و تا هما كيديو ليك مدة

اليازير و الخزامى و الورد البلدي و السنبل و العرعار و السدر و البابونج و الحرمل و أزرود و الريحان و شوية التارة و شوية القرنفل و عرق السوس و جدور القصب و الزعتر و لزاز و الخرواع و زريعة الكتان
جودي لقباس منهم و زيدي عليه الغاسول


وهاهما ملي خلط معاهم الماء سخون وفي الغد كنديف عليهم شوية من تخت ديال وصفة الزنجلان و زريعة الكتان أو زيدي عليهم شوية من الزيت لي كتعجبك وهادا كنديرو بعد مكنغسل شعري ونكمل كنديرو هو لخر
و اخيرا كنوجد ماء الزعتر لي كنرش بيه شعري ملي كنسالي باش يجمع مسام شعر راكم عارفين مسام الشعر كيتفتحو ف الحمام داكشي علاش الشعر كيطيح ف لمشيط بالنسبة لي ف لغسيل ب شمبوان مكنمشطوش كمحكو بصبعاني مزيان باش يتنقى و تا كندير الغاسول ونبغي نغسلو عاد كنمشطو

هاهو الزعتر مخلطاه مع الماء سخون وتا الغد ملي نكون غادا الحمام عاد كنصفيه و نديرو ف بخاخ وملي نسالي غسيل الشعر كنرش بيه شعري و مكنتبعوش الماء








فوائد الخلطة لي كندير مع الصابون البلدي كتزول خطوط الي كتكون بالزيادة و النقصان في الوزن حينت كانو فية ودابة الحمد لله تزولو و لي فيها لبهق ضيف معاها الكبريت وكتعطي علاج فعال للقضاء عليه وكتصفي الجسم

و فوائد الخلطة التانية هادي فعلا روعة كتزول أتار لحبوب في الجسم و كتزول البقع الداكنة و لكحال و جميع مشاكل لي ف جسمك كتر ويلى كان فيك لبهق ديري الخلطة الأولى لي عطيتكم قبل الغسيل و ديري هادي ف الاخير و شوفي النتيجة بعينيك عادي يمشي مشية بلا رجعة صراحة هادي فعلا عزالة

أما الغاسول كيرحع الشعر غزال و زوين و كينقيه مزيان وملي كتمسي شعرك بعد لغسيل كيجيك رطاب

ملي الرشاشة لي فيها ماء اليزير راه كتجمع مسام الشعر وحتى لي فيها القشرة راه كتزولها ليها
وملي كنكون خارجة كن الحمام كنغسل وجهي بالماء البارد باش يتجمعو مسام وجهي حينت ف الحمام كينفتحو مسام الوجه و الشعر
ومتنساوش ديما درجة حرارة الماء الغسيل خاصها تكون معتدلة حينت الماء سخون بزاف كيسبب للجسم ترهلات

وملي كنجي من الحمام كنبقى نرتاح و من بعد كنشف شعري بى فوطة مزيان و كندهنو بى خلطة زيت الزنجلان و زريعة الكتان لي سبق لي وحطيت موضوعها ليكم و كندير ليه باتشا

هادي هي طريقتي كندير ف الحمام كنتمنى تكون عجباتكم وخا كتبان كتيرة راه هير تبدايها مرة و غادي تعودي عليها وتولي يعجبك الحمام تعومي فيه بهاد الطريقة

الرجوع الى أعلى الصفحة اذهب الى الأسفل
 
وصفات الحمام المغربي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كاشفة الأسرار :: منوعات :: صحة وجمال-
انتقل الى: